Die Flamboijant-span by Cabriéres het onlangs gesorg vir pragtige dekor by Pierre en Mignon se troue in Montagu. Die troue het ‘n Franse “modern vintage” tema gehad met baie oulike detail. Die bruid het die tema en dekor so persoonlik as moontlik probeer maak.

Die seremonie het buite op die grasperk op die plaas Cabriéres plaas gevind en die onthaal is in ‘n pragtige ou kelder gehou, ook op die plaas. Die troue was klein en intiem met 34 gaste wat vreeslik bederf was deur die bruidspaartjie. Die gaste het die oulikste klein koekies as geskenkies ontvang.

Elke tafel se naam was een van die paartjie se gunsteling plekke in die wêreld waar hulle al heen gereis het, onder andere die Karoo en Crete in Griekeland. Elke tafel het ‘n kaartjie gehad met meer besonderhede oor die spesifieke bestemming.

Verskeie rangskikkings van King proteas, vetplante, rose, fynbos en orgideë is in verskillende houers en vase orals op die tafels geplaas. Kristal kandelare en spieëls het die dekor afgerond.

Daar was Jo Malone kerse op die tafels wat die hele ou kelder na heerlike parfuum laat ruik het. Wat ‘n lieflike atmosfeer moes dit nie geskep het nie!

Kontak vir Jane Jordaan van Cabriéres vandag nog vir jou eie asemrowende dekor. Sy het nooit ‘n tekort aan inspirasie nie!

Verskaffers:

Venue: Cabriéres
Dekor: Flamboijant by Cabriéres
Blomme: Flamboijant by Cabriéres
Fotograaf: Laresa Perlman

BROWSE BY CATEGORY